Чарлс Буковски (англ. Charles Bukowski; Андернах, 16. август 1920 — Сан Педро, 9. март 1994) бил американски песник и писател. Вбројуван е во највлијателните писатели на 20тиот век. Во неговите дела често се осврнувал на животите на сиромашните Американци, алкохолот, тешката физичка работа и односот со жените. На кратко, сета изопаченост на американското општество ја опишувал преку својата поезија и проза.
Во текот на своето творештво напишал илјадници песни, доста раскази но и шест романи, а објавил над 60 книги.
Ќе остане запамтен по својот експлицитен, често и вулгарен книжевен израз, и по приказните за губитниците од маргините на американското друштво.
Во продолжение, неколку цитати од интелигентниот и духовен писател, кој низ своето дело ни го доближи животот во сите негови вистински облици.
„Најчесто сум лош, но кога сум добар, сум ѓаволски добар.“
„Осаменоста ме направи посилен. Без неа е како да сум без храна и вода. Секој ден без осаменоста сум послаб. Не сум горд на својата осаменост, но зависен сум од неа.“
„Некои луѓе никогаш не полудуваат. Сигурно живеат страшен живот.“
„Со 25 години секој може да биде гениј. Со 50 морате да направите нешто за да станете гениј.“
„Писателите се очајни луѓе. Кога ќе престанат да бидат очајни, тогаш престануваат да бидат и писатели.“
„Интелектуалците кажуваат едноставни нешта на потешкиот начин. Уметниците ги кажуваат тешките работи на едноставен начин.“
„Убавината не е ништо, убавината нема да остане. Не знаете колку сте среќни ако сте грди, бидејќи ако луѓето ве сакаат, знаете дека ве сакаат поради друг квалитет.“
„Светот ќе го спасите со спасување на една личност; сé друго е грандиозен романтизам или политика.“
„Не постои ништо апсолутно погрешно на светот. Дури и часовникот кој не работи, успева да биде точен двапати во денот.“
„Ако сакате да направите нешто - одете до крај. Во спротивно, не ни почнувајте.“
Мора да сте логирани да напишете коментар.