Chester Bennington (март 20, 1976 – јули 20, 2017), 15 песни на Linkin Park како инспирација, надеж и снага

Linkin Park се американски Рок бенд, еден од водечките во Ну метал правецот. Оформени се во Калифорнија, 1996 година. Се афирмираа во еден од најпродаваните рок бендови во почетокот на 2000те години, благодарение на нивниот деби албум "Hybrid Theory" кој претставува вистинско ремек дело на Алтернативната и Ну метал сцена.

Продаден во милионски тиражи, на албумот се наоѓаат голем дел од најпрепознатливите песни на бендот како што се "One Step Closer", "Crawling", "In The End".

Успехот на "Hybrid Theory" го продолжува и нивниот втор студиски албум под наслов "Meteora" кој само го зацврстува бендот во највисоките скалила на светската рок сцена. Дебитирал на местото број 1 на американската албум листа со преку 800.000 продадени примероци во првата недела.

На албумот се наоѓаат сингловите "Somewhere I Belong", "Numb", "From The Inside". Продаден во преку 24 милиони примероци, 6ти е најпродаван албум во 21иот век.

После овие два албума следуваат албумите "Minutes To Midnight", "A Thousand Suns", "Living Things", "The Haunting Party", и "One More Light" кој е последен албум со Chester Benington како вокал, кој својот живот трагично го завршува во 2017 година, на денешен ден.

Со песните на Linkin Park, и текстовите на Chester Benington израснаа голем број на генерации и музички фанови од периoдот на доцните 90ти и средината на 00тите години на минатиот век.

Ретко постои фан, посебно од помладата генерација тогаш, кој директно не се пронашол во некој од текстовите на Chester, кои иако повеќето тешки, темни и мрачни, инспирирани од неговит тежок живот како мал и тинејџер, изобилуваат со некој вид на светлина со која слушајќи ги даваат снага за истрајност и борба знаејќи дека не се сами во еден свет на апатија и било кој тежок момент или животна ситуација.

Дека некој што никогаш не го запознале во животот, веќе ја опишал, или ја испеал до детаљи нивната моментална ситуација. Ослободување и тага воедно, знаејќи дека доаѓаат од искрено место, како резултат на иста болка или траума.

Пред нашиот избор од 15 најдобри песни на Linkin Park, ви пренесуваме дел од изјавите на фановите низ светот (со линк до изворот https://www.kerrang.com/features/the-20-most-powerful-chester-bennington-lyrics-as-chosen-by-you/) и нивните тешки животни ситуации во кои директно или индиректно им помогнале песните на бендот, текстовите и гласот на Chester.

„Овие зборови ме натераа да се чувствувам како да не сум самa во светот и дека има некој таму со кого делев исти. Сакав да видам повеќе од она што оваа убава душа ќе го сподели со светот. Тоа беше пред 16 години и заради тие текстови мојата приказна сè уште се раскажува денес.“ - Katrina

„Песната One More Light“ се појави во моментот од мојот живот кога немав многу насоки, се чувстував како сите да одеа против мене, но секогаш кога ќе ја пуштев таа песна, моето расположение веднаш се креваше. Linkin Park секојдневно ми помагаа, и ми помогнаа да продолжам со мојот живот, да запишам факултет, а денес како дипломиран, скоро секој успех им го должам на Chester и Linkin Park.“ - Callum

„Песните на Chester и Linkin Park ми помогнаа во едно најтешко време од мојот живот. Ми беше дијагностициран рак, а она што ме одржа во таа тешка борба и ми даваше снага да не се предавам беше токму гласот на Chester низ тие песни. Ми го спасија животот“ - Kakarotha

Нашиот избор од 15 најдобри песни на Linkin Park

15. Runaway