На денешен ден во 1946 година роден е Стивен Спилберг, американски режисер, продуцент и сценарист. Трикратен добитник на наградата Оскар, Спилберг е најпрофитниот филмски работник на сите времиња.
Во кариера што се простира во скоро четири децении, неговите филмови допреле многу теми и жанрови, од научно-фантастични и авантуристички, до филмови кои адресираат историски теми. Добро позната е неговата децениска соработка со филмскиот композитор Џон Вилијамс.
Првата награда Спилберг ја добил на својата 13 годишна возраст за осуммилиметарскиот филм „Escape to Nowhere“, а со краткометражниот филм „Amblin' “ ја освоил својата прва награда на фестивалот во Атланта. Тој успех му овозможил потпишување на прв договор со продуцентската куќа Universal.
Првиот голем успех го постигнува со филмот „Jaws“ (Ајкула) во 1975 година. Добитник е на три оскара, двапати за најдобра режија за филмовите „Шиндлеровата листа“ и „Спасувајќи го војникот Рајан“ и за фотографија за „Шиндлеровата листа“, како и награда за животно дело.
Темите во филмовите на Спилберг често се повторуваат. Повеќето од неговите филмови се бават со обичните луѓе кои се во обид да дојдат, или доаѓаат во контакт со необични суштества или се наоѓаат во необични околности и ситуации, но во последните години неговите филмови се бават и со теми како што се Холокаустот, војните, тероризмот, ропството.
Тајм го вбројува во 100-те најважни луѓе во XX век, а магазинот Лајф за највлијателна личност на неговата генерација.
Одбравме 10 филма по наш избор, како предлог за Вас. Гледајте, и уживајте.
10. Duel (Дуел)
Година: 1971
Жанр: Трилер
Главни улоги: Dennis Weaver
Краток опис: Главната улога ја толкува Denis Weaver, кој е бизнисмен и кого одеднаш без никаква причина почнува да го прогонува камионџија на автопатот во Калифорнија.
09. Close Encounters of the Third Kind (Блиски средби од трет вид)
Година: 1977
Жанр: Научна фантастика
Главни улоги: Richard Dreyfuss, Teri Garr
Краток опис: Richard Dreyfuss ја толкува улогата на Рој Нири, електричар од Индијана, чијшто живот тотално ќе се промени после една средба со NLO.
08. Jurassic Park (Паркот Јура)
Година: 1993
Жанр: Научна фантастика, авантура
Главни улоги: Sam Neill, Laura Dern, Jeff Goldblum
Краток опис: Тема на филмот е фиктивниот остров Исла Нублар, каде научниците создале забавен парк со клонирани диносауруси. Џон Хамонд (Ричард Атенборо) поканува група научници да го посетат паркот. Поради саботажа, диносаурусите ќе се ослободат, па техничарите и посетителите се обидуваат да избегаат од островот.
07. E.T. the Extra-Terrestrial (Е.Т. Вонземјанинот)
Година: 1982
Жанр: Научна фантастика
Главни улоги: Dee Wallace, Peter Coyote,
Краток опис: Приказната го следи малиот Елиот, осамено дете кое се спријателува со вонземјанин, кој случајно залутал на планетата Земја.
06. Catch Me If You Can (Фати ме ако можеш)
Година: 2002
Жанр: Трилер
Главни улоги: Leonardo DiCaprio, Tom Hanks, Christopher Walken
Краток опис: Френк Абегнејл (Леонардо ди Каприо) се впушта во серија измами мислејќи дека така ќе собере доволно пари за да го спаси своето семејство од проблемите со даночните органи.
05. Lincoln (Линколн)
Година: 2012
Жанр: Драма, историски
Главни улоги: Daniel Day-Lewis, Sally Field, Tommy Lee Jones
Краток опис: Филмот ги прикажува последните четири месеци од животот на Абрахам Линколн, како и неговиот напор да го укине ропството. Филмот е номиниран за Оскар во 12 категории, од кои во две бил победник.
04. Indiana Jones trilogy (Трилогијата Индијана Џонс)
04.1 Raiders of the lost Ark / Крадците на изгубениот ковчег (1981)
04.2 Indiana Jones and the Temple of Doom / Индијана Џонс и проклетиот храм (1984)
04.3 Indiana Jones and the Last Crusade / Индијана Џонс и последниот Крстоносен поход (1989)
Жанр: Авантура
Главни улоги: Harrison Ford, Karen Allen, Paul Freeman, Kate Capshaw, Amrish Puri, Denholm Elliott, Sean Connery
Краток опис: Трилогијата Индијана Џонс ги прати авантурите на Индијана Џонс, млад археолог во потрага по разни археолошки знаменитости и сокривени богатства. Низ тие негови авантури често се наоѓа во тешки животозагрижувачки ситуации, следен од голем број на непријатели од разни подрачја.
03. Saving Private Ryan (Спасувајќи го војникот Рајан)
Година: 1998
Жанр: Историски, воен
Главни улоги: Tom Hanks, Edward Burns, Matt Damon
Краток опис: Филмот е заснован на вистинска приказна, за настан во кој тројца браќа за време на Втората светска војна загинуваат во ист ден, и командата одлучува четвртиот, најмлад брат (војникот Рајан) да биде спасен и вратен дома.
Филмот е добитник на 5 оскари, вклучувајќи оскар за најдобар режисер, втор оскар за Спилберг.
02. Jaws (Ајкула)
Година. 1975
Жанр: Трилер
Главни улоги: Roy Scheider, Robert Shaw, Richard Dreyfuss
Краток опис: Во едно прекрасно, сликовито летувалиште на островот Амити се случува нешто страшно. Некое големо зло првен ги зeма спокојот и мирот, а подоцна и животот на една млада девојка.
01. Schindler's List (Шиндлеровата листа)
Година: 1993
Жанр: Драма, историски
Главни улоги: Liam Neeson, Ben Kingsley, Ralph Fiennes
Краток опис: Филмот ја раскажува приказната за Оскар Шиндлер, германски стопанственик кој спасил илјадници полски Евреи за време на Холокаустот. Добитник е на седум оскари, вклучувајќи ги и оние за најдобар филм и режија.
Мора да сте логирани да напишете коментар.